KF Llapi ka bërë një goditje të rëndësishme në afatin kalimtar të verës, duke zyrtarizuar rikthimin e mesfushorit Kushtrim Shabani në radhët e veta.

Futbollisti 28-vjeçar ka nënshkruar kontratë dyvjeçare me klubin bardhekaltër, e cila do ta mbajë të lidhur me skuadrën e Podujevës deri në qershor të vitit 2027.

Pas dy edicioneve të kaluara tek SC Gjilani, Shabani kthehet në shtëpinë e tij, aty ku u rrit si futbollist dhe ku ka qenë një nga figurat kryesore në sukseset e klubit në vitet e fundit.

Deri në këto momente Llapi është skuadra më aktive në merkaton e Superligës së Kosovës, duke afruar e larguar lojtarë, pas një sezoni larg pritshmërive që pati.

Kujtojmë se llapjanët mbijetesën e siguruan vetëm pas ndeshjes së barazhit me Vushtrrinë./Arbresh.info